El Pizcuervu o Monterudu (Diplodus cervinus; sinónimu Diplodus trifasciatus), ye un pexe de la familia Sparidae nel orde de los Perciformes. Ye posible que'l nome de Pizcuervu (tamién bizcuervu en dalgunos puertos d'Asturies) remaneza de "pesce(m)-cervinu" (pesce(m)> pexe, pez/piz); pesce-cervinu> piz-ciervu> piz-cuervu
Tien el cuerpu ovaláu, allargáu, el doble o daqué más llargu que altu, y pue llegar a tener ente 55 y 60cm de llonxitú. La zona predorsal ye convexa nos adultos. Tien una filera d'incisivos en dambes mandíbules, 10 o 12 na filera superior y 8 na inferior, con 2 ó 3 fileres de molariformes tres d'ellos. L'aleta dorsal tien 11 o 12 radios espinosos y 11 a 14 blandos, mentanto que l'anal tien 3 espinosos y 10 o 12 blandos. Les aletes pectorales son llargues, con un radiu espinosu y es restu blandos.
Ye de color fondu platiáu, con 4 o 5 bandes anches escures, marrones, les 3 primeres más anches, y a vegaes bifurcaes na zona ventral. Tien otra mancha escura na tiesta, sobre los güeyos, a mou de mázcara
Vive nos fondos rocosos, a vegaes nel sable hasta unos 300m de profundidá.
El Pizcuervu o Monterudu (Diplodus cervinus; sinónimu Diplodus trifasciatus), ye un pexe de la familia Sparidae nel orde de los Perciformes. Ye posible que'l nome de Pizcuervu (tamién bizcuervu en dalgunos puertos d'Asturies) remaneza de "pesce(m)-cervinu" (pesce(m)> pexe, pez/piz); pesce-cervinu> piz-ciervu> piz-cuervu
