Strelitziaceae

Strelicijowe rostliny (Strelitziacea) su swójźba semjenjowych rostlinow (Spermatophytina).

Wopis

Systematika a rozšyrjenje

Rozšyrjeńske strony su tropiska Pódpołdnjowa Amerika (jano Phenakospermum), pódzajtšna Pódpołdnjowa Afrika (jano Strelitzia) a Madagaskar (jano Ravenala).

Nejpjerwjej bu w lěśe 1900 wót Karl Moritz Schumann pódswójźba Strelitzioideae znutśika Musaceae nastajona. Wóna bu w lěśe 1934 wót John Hutchinson w The Families of Flowering Plants, zwězk 2, S. 72 do ranga swójźby Strelitziaceae stajona.

Pó molekularbiologiskich pśepytowanjach su Strelitziaceae sotšojska swójźba Lowiaceae a blisko pśiswójźbne z swójźboma Heliconiaceae a Musaceae.

Swójźba wopśimjejo tśi rody, z kótarychž dwa stej monotypiskej, z nagromadu sedym družynami:

Habitus a kwiśonkowe stołki wót Strelitzia juncea.

Kwiśonkowy stołk wót Strelitzia nicolai.

• Strelicija (Strelitzia Ait.): Z pěś družynami podłu pódzajtšnego pśibrjoga Pódpołdnjoweje Afriki:
  • Běła strelicija (Strelitzia alba (L. f.) Skeels, Syn.: Strelitzia angusta Thunb.)
  • Hórska strelicije (Strelitzia caudata R.A.Dyer)
  • Natalowa, abo Bomowa strelicija (Strelitzia nicolai Regel & Koern.)
  • Strelitzia juncea Link
  • Kralojska strelicija (Strelitzia reginae Aiton): To jo woblubowana pyšna rostlina w tropiskich zagrodach, ako kólbašowa rostlina w njetropiskich krajach a ako dłujko źaržobny rězny kwětk.
• Ravenala Adans.: Z jadnučkeju družynu:
  • de:Baum der Reisenden (Ravenala madagascariensis Sonn.): Spócetne rozšyrjeńske strony laže w pódzajtšnem Madagaskarje we wusokosćach nižej 1000 metrow. Wón se w cełkownych tropach ako pyšna rostlina w parkach sajźa. Wón móžo wjelgin wjeliki byś a twóri zdonk.
• Phenakospermum Endl.: Z jano jadneju družynu. Někotare awtory definěruju drugu družynu: Phenakospermum amazonicum (Mart.) Miq., kótaraž jo samo swójski rod Musidendron Nikai dostała, ale to źinsa ako synonym wót Phenakospermum guyannense płaśi:
  • Phenakospermum guyannense (L.C.Rich.) Endl. ex Miq.: Wóna jo wjelgin rozšyrjona w cełkownem žłobišću Amaconasa w tropiskej pódpołnocnej a centralnej Pódpołdnjowej Americe na pódzajtšo Andow. Wóna móžo wusokosć wót 2 až do 5 m dośěgnuś; wóna wuglěda „Baum der Reisenden“ pódobnje, ale wobsejźi jano pózdatny zdonk, kótaryž jo pódobny tomu bananow.