Cerisier à Feuilles Dentées En Scie

Japanska wišnja (Prunus serrulata) je rostlina ze swójby róžowych rostlinow (Rosaceae).

Wopis

Japanska wišnja je kerk abo štom, kotryž docpěje wysokosć wot něhdźe 9 m (3-12 m).

Rostlina je ródna rostlina najwjetšich japanskich pyšnych wišnjow.

Łopjena

Łopjena su jejkojte hač eliptiske a docpěja dołhosć wot 6 hač do 15 cm. Zwjetša njesu na kromje wótre zubki. Nazymske barbjenje je žołte hač oranžowe.

Kćenja

Kćěje w druhej połojcy nalěta, wot apryla hač do meje. Róžojće pobarbjene, běłe kćenja so z łopjenami abo hižo před łopjenami jewja. Wone docpěja přeměr wot hač do 5 cm, su dołho stołpikate a steja po dwěmaj hač po sedmjoch w často wisacych kićach.

Sorty z wupjelnjenymi kćenjemi su njepłódne.

Rozšěrjenje

Pochadźa z wuchodnej Azije.

Žórło

• Botanica, Bäume und Sträucher, Über 2000 Pflanzenporträts, ISBN 978-3-8331-4467-7, strona 689 (němsce)
• Mayer, Schwegler: Welcher Baum ist das?, Bäume, Sträucher, Ziergehölze, ISBN 978-3-440-11273-1, strona 172 (němsce)

Wotkaz

Commons: Prunus serrulata – Zběrka wobrazow, widejow a awdiodatajow