La orienta heleboro (Helleborus orientalis) apartenas al la genro Heleboro al kiu ankaŭ apartenas la Nigra heleboro (Helleborus niger). Ĝi estas staŭdo el la sekcio Helleborastrum, kiu dum florado krestas ĝis 45 cm alto.
La planto estas sovaĝe disvastiĝinta de Bulgario kaj la nordorienta parto de Grekio (Tracio) ĝis la Kaŭkazo kaj Turkio, kie ĝi kreskas en arbaroj, arbustaĵo kaj malfermaj lokoj ĝis alteco de 2000 m.
Ĝi estas tre venena pro la enhava heleborino, kiu estas diglikosido kaj amare gustas. Pluaj venenaĵoj estas saponino kaj protoanemonino.
