Die Rooistert-ghieliemientjie (Barbus gurneyi) is 'n varswater vis wat voorkom in KwaZulu-Natal. In Engels staan dit bekend as die Redtail barb.
Die vis is bruin en die skubbe het donker rante. Daar is 'n dun donker band op die sye tot by die basis van die stert. Die vinne is liggeel. Die vis word tot 100 mm lank. Daar is twee pare baarde by die mond.
Die vis kom voor in die Umtamvunarivier en verder noordwaarts tot by die Tugelarivier in KwaZulu-Natal.
Die vis leef in water wat tussen 300 – 1000 m hoog is bo seevlak. Hulle verkies helder strome om in te leef.
Die vis is geskik vir koue water akwariums en visdammetjies.
Die Rooistert-ghieliemientjie (Barbus gurneyi) is 'n varswater vis wat voorkom in KwaZulu-Natal. In Engels staan dit bekend as die Redtail barb.
