La Nigrakapa fringo aŭ Junana kardelo (Carduelis ambigua) estas specio de birdo de la familio de Fringedoj.
Ĝi troviĝas en Ĉinio, orienta Barato, Laoso, Birmo, Tajlando kaj Vjetnamio. Ties natura habitato estas montaraj subtropikaj aŭ tropikaj sekaj malfermaj arbaroj kaj arbustaroj.
Temas pri malhela kardelo kun seksa duformismo. La masklo havas nigran kapon, de kio devenas la komuna nomo. La hela dika beko kontrastas kun tiu. La resto de la korpo estas olivecverda kiu nuanciĝas makulece el la brusto al la pli hela olivecflava ventro. La flugiloj kaj vosto estas nigraj kun tre rimarkindaj brilflavaj vostobazo kaj flugilstrioj. La ino estas pli senkolora kun bruna kapo kaj helbrunaj flankoj. La kruroj estas helrozkoloraj.
Tiu specio manĝas semojn ekzemple de kanabo, sunfloroj, laktukon kaj foje eĉ kelkajn malgrandajn insektojn.
La reprodukta sezono en kaptiveco okazas printempe kaj somere kun mildaj temperaturoj. La averaĝa ovaro estas de 2 / 3 ovoj ĉiusezone.
Vidu la artikolon de Dezerta fringo.
La Nigrakapa fringo aŭ Junana kardelo (Carduelis ambigua) estas specio de birdo de la familio de Fringedoj.
Ĝi troviĝas en Ĉinio, orienta Barato, Laoso, Birmo, Tajlando kaj Vjetnamio. Ties natura habitato estas montaraj subtropikaj aŭ tropikaj sekaj malfermaj arbaroj kaj arbustaroj.
