Phacochère Commun

Skedel van 'n vlakvark

Die vlakvark (Phacochoerus africanus) is 'n wilde lid van die varkfamilie wat in Afrika voorkom.

Volwasse vlakvarke het 'n gemiddelde hoogte van 75 cm en weeg tussen 70 en 100 kg. Vlakvarke het 'n kenmerkende voorkoms, met twee slagtande wat tot 61 cm lank kan word. Vratagtige uitgroeisels is sigbaar op hulle groot gesigte.

Vlakvarke kan vinnig hardloop, met 'n snelheid tussen 30 en 50 km/h. Wanneer 'n vlakvark weghardloop, hou hy sy stert penorent.

Die wyfie, of sog, is drie maande dragtig, waarna sy tot ses kleintjies in November of Desember baar. 'n Vlakvark het 'n moontlike lewensduur van 20 jaar.

Subspesies

• Nolan vlakvark (P. a. africanus) Gmelin, 1788 – Burkina Faso, Ivoorkus, Demokratiese Republiek van die Kongo, Ethiopië, Ghana, Guinee-Bissau, Tsjad, Mauritanië, Nigerië, Senegal, Soedan
• Eritrese vlakvark (P. a. aeliani) Cretzschmar, 1828 – Eritrea, Ethiopië, Djiboeti, Somalië
• Sentraal-Afrikaanse vlakvark (P. a. massaicus) Lönnberg, 1908 – Kenia, Tanzanië
• Suidelike vlakvark (P. a. sundevallii) Lönnberg, 1908 – Botswana, Namibië, Suid-Afrika, Zimbabwe

Fotogalery

• ’n Manlike vlakvark in die Tswalu Kalahari Reservaat, Noord-Kaap, Suid-Afrika.

• Twee jong manlike vlakvarke wat baklei in die Tswalu Kalahari Reservaat.

• Twee manlike vlakvarke aan die stoei

• 'n Modderbesmeerde vlakvark ontspan op 'n warm dag in die San Diego Dieretuin in Kalifornië, VSA.

• Twee vlakvarke wat in Tanzanië wei.

Sien ook

• Lys van Suider-Afrikaanse soogdiere volgens alfabet
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

Bronnelys en verwysings

• Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.

Eksterne skakels

• Wikimedia Commons het meer media in die kategorie Vlakvark.

• Wikispecies het meer inligting verwant aan: Vlakvark