El coneyu común o coneyu européu (Oryctolagus cuniculus) ye un mamíferu del orde Lagomorpha, carauterizándose pol pelo espeso y llanudo, de color pardu a buxu, cabeza ovalada y güeyos grandes. Oreyes qu'algamen 7 cm y una cola curtia. Les pates anteriores son más curties que les posteriores. Mide de 33 a 40 cm.
Cuando griegos y romanos aportaron a España atoparon coneyos a esgaya amás de que yeren desconocíos pa ellos. La primera descripción ye del historiador griegu Polibio nel sieglu II e.C., que-y paez una llebre pequeña. Da-y el nome de kyniklos (kυνιkλoσ), nome íberu, que llueu pasó al llatín cuniculus, y al asturianu coneyu.
