Die Breëkopbaber (Clariallabes platyprosopos) is 'n varswater vis wat voorkom in die Okavangorivier en die boonste gedeelte van die Zambezirivier. In Engels staan die vis bekend as die Broadhead catfish.
Die Breëkopbaber het 'n breë, baie plat kop, net so lank as wat dit breed is, met bolwange en vier paar lang baarde. Daar is twee rye tandplate in die bokaak.
Die rugvin is baie lank, sowat twee derdes van die totale vis se lengte en loop tot voor die stertvin. Die vis het geen vetvin nie. Die stertvin is goed ontwikkel. Die analevin is ook lank. Beide die rugvin en die anale vin beslaan die helfte van die vis se hoogte. Die buikvin is gepaard en swak ontwikkel. Die borsvin is gepaard en swak ontwikkel.
Sy liggaamsvorm (profiel) is plat met die bek wat hoog in sit, en tipies baber. Die skubbe is mikroskopies klein in slym.
Die Breëkopbaber is swart of donker bruin gespikkeld, selfde kleur bo en onder, en word tot 283 mm lank. Die Zimbabwe hengelrekord is 0.128 kg.
Die vis leef in rotsagtige stroom versnellings in groot riviere en eet onder andere vis en water insekte. Hulle word deur hengelaars gevang met klein stukkies vleis, vis en erdwurms as aas.
Die Breëkopbaber (Clariallabes platyprosopos) is 'n varswater vis wat voorkom in die Okavangorivier en die boonste gedeelte van die Zambezirivier. In Engels staan die vis bekend as die Broadhead catfish.
