Os proboscídeos (Proboscidea) son unha orde taxonómica que abeira unha única familia existente, Elephantidae, e moitas familias extintas. Esta orde, descrita por vez primeira por J. Illiger en 1811, abarca ós mamíferos con trompa.[1][2] Os proboscídeos modernos distínguense polos seus longos cairos e trompas musculares. Estas características eran menos desenvolvidas ou ausentes nos primeiros proboscídeos.
O proboscídeo máis antigo que se coñece é o Eritherium,[3] seguido polo Phosphatherium, un pequeno animal do tamaño dun raposo. Ambas especies pertencen ó Paleoceno tardío e foron atopados en Marocos.
Os proboscídeos diversificáronse durante o Eoceno e o Oligoceno. Moitas familias foron descritas dese período, incluíndo os Numidotheriidae, Moeritheriidae e Barytheriidae en Africa, e os Anthracobunidae do subcontinente indio. Estes foron seguidos polos Deinotheriidae, que prosperaron durante o Mioceno e no Cuaternario. Os proboscídeos do Mioceno tamén inclúe ós Stegolophodon, un xénero da familia en disputa Stegodontidae; a diversa familia dos Gomphotheriidae, como os Platybelodon e Amebelodon; e os Mammutidae e mastodontes.
Os proboscídeos (Proboscidea) son unha orde taxonómica que abeira unha única familia existente, Elephantidae, e moitas familias extintas. Esta orde, descrita por vez primeira por J. Illiger en 1811, abarca ós mamíferos con trompa. Os proboscídeos modernos distínguense polos seus longos cairos e trompas musculares. Estas características eran menos desenvolvidas ou ausentes nos primeiros proboscídeos.
O proboscídeo máis antigo que se coñece é o Eritherium, seguido polo Phosphatherium, un pequeno animal do tamaño dun raposo. Ambas especies pertencen ó Paleoceno tardío e foron atopados en Marocos.
Os proboscídeos diversificáronse durante o Eoceno e o Oligoceno. Moitas familias foron descritas dese período, incluíndo os Numidotheriidae, Moeritheriidae e Barytheriidae en Africa, e os Anthracobunidae do subcontinente indio. Estes foron seguidos polos Deinotheriidae, que prosperaron durante o Mioceno e no Cuaternario. Os proboscídeos do Mioceno tamén inclúe ós Stegolophodon, un xénero da familia en disputa Stegodontidae; a diversa familia dos Gomphotheriidae, como os Platybelodon e Amebelodon; e os Mammutidae e mastodontes.
