Euphorbe Exiguë

Małe wjelkowe mloko (Euphorbia exigua) jo rostlina ze swójźby wjelkomlokowych rostlinow (Euphorbiaceae).

Wopis

Małe wjelkowe mloko jo jadnolětna rostlina, kótaraž dośěgnjo wusokosć wót 5 až do 20 cm.

Łopjena

Měnjate łopjena su swětłozelene, linealne, ako štapc špicne, sejźece a dośěgnu dłujkosć wót 0,5 až do 3 cm.

Kwiśonki

Kwiśo wót junija až do oktobra. Pózdatne wokołki su tśipromjenjowe až pěśpromjenjowe, pśi comž wše promjenja su ako widlicki źělone. Pśikšywne łopjeńka su swětłozelene a linealne. Wóni su sejźece a njezrosćone. Jich spódk jo wutšobojty. Załzy kwiśonkowego keluška su połmjasecojte-rogate.

Płody

Płody su gładke kapsle.

Stojnišćo

Rosćo na glinjanych trajdowišćach, na lědach a na wótsypkowych městnach.

Rozšyrjenje

Rostlina jo w pśisamem cełej Europje rozšyrjona. Ale póchada z pódpołdnjoweje Europy.

Wužywanje

Nožki

1. ↑ Natur und Text, Rangsdorf 2011, ISBN 978-3-942062-00-8, b. 191 a 192 (ale za družynje Euphorbia cyparissia a Euphorbia helioscopia).

Žrědła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 364 (nim.)