Varpuväriherne

Křidleškata žandawa (Chamaespartium sagittale, syn.: Genista sagittalis) je kerkowa rostlina ze swójby łušćinowcow (Fabaceae). Po někotrych žórłach słuša k rodej žandawow (Genista).

Wopis

Křidleškata žandawa je małoróstny, ležacy kerk, kotryž docpěje wysokosć wot 15 hač do 30 (50) cm a šěrokosć wot hač do 1 m. Hałuzy su křidleškate, zrunane a wotestejo kosmate. Lězucy stołpik je wodrjewjeny.

Snadne lisćo je ćmowozelene. Łopjena su njedźělene, šěroko-lancetojte a docpěja dołhosć wot 5 hač do 20 mm. Wone zahe wotpadnu.

Kćenja

W zažnym lěću, wot meje hač do junija kćěje. Kćenja su ćmowožołte, docpěja dołhosć wot 1 hač do 1,2 cm a steja w nakónčnych, krótkich, hustych kićach. Keluch je wotestejo kosmaty a njese dwudźělnu hornju hubku a třidźělnu delnju hubku. Žołta króna docpěje dołhosć wot 10 hač do 15 mm.

Stejnišćo

Rosće na suchich trawnikach, na lěsnych a pućowych kromach a na skalnych zwisach. Ma radšo ćopłe, w prawym měrje suche, małowutkate, tróšku kisałe pódy.

Rozšěrjenje

Rostlina je w srjedźnej a južnej Europje rozšěrjena.

Žórła

• Botanica, Bäume und Sträucher, Über 2000 Pflanzenporträts, ISBN 978-3-8331-4467-7, strona 410, z wědomostnym mjenom Genista sagittalis a synonymom Chamaespartium sagittale (němsce)
• Meyers Taschenlexikon Biologie, In 3 Bänden, 1. zwjazk, ISBN 3-411-12013-4, strona 285, z wědomostnym mjenom Genista sagittalis (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 150, z wědomostnym mjenom Genista sagittalis a synonymom Chamaespartium sagittale (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 320, z wědomostnym mjenom Chamaespartium sagittale a synonymom Genista sagittalis (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Křidleškata žandawa

• Rozšěrjenska mapa za Němsku při Floraweb (němsce)

Tutón nastawk je hišće zarodk wo biologiskej temje. Móžeš pomhać jón dale redigować. K tomu stłóč na «wobdźěłać».

Jeli eksistuje w druhej rěči hižo bóle wuwity nastawk ze samsnej temu, potom přełožuj a dodawaj z njeho.

---

Jeli nastawk ma wjace hač jedyn njedostatk, wužiwaj prošu předłohu {{Předźěłuj}}. Nimo toho so awtomatisce kategorija Kategorija:Zarodk wo biologiji doda.