nimet breadcrumb-navigoinnissa
Łe sparaxe de bosco, o nogarołe o sparaxe de monte (nome sientifego Aruncus silvester) xe na pianta deła fameja dełe Rosaceae (in inglexe e in tałjan ła ga el steso nome: barba de cavra, goatsbeard e barba di capra). Ła xe alta fin a do metri. Łe foje łe xe lunghe anca un metro e łe xe de tipo conposto, vałe a dire ke łe xe fate a so volta da diverse fojete a forma de lancia una drio ł'altra. I fiori, de cołor bianco crema, i xe ingrupà in infioresense fate a ciufo in sima ała pianta.
Łe nogarołe łe se trova sułe montagne in Europa, Axia del nord e orientałe e in Nord America. In Italia, sułe Alpi e Apenini.
Łe vien su in boschi umidi e onbroxi, fra i 500 e i 1500 metri de quota.
In primavera se tira su i buti xovani ke crese dała parte basa deła pianta, de cołor rosastro. I se mete via sotojo o se pol fare rixoti e fortaje.
Łe sparaxe de bosco, o nogarołe o sparaxe de monte (nome sientifego Aruncus silvester) xe na pianta deła fameja dełe Rosaceae (in inglexe e in tałjan ła ga el steso nome: barba de cavra, goatsbeard e barba di capra). Ła xe alta fin a do metri. Łe foje łe xe lunghe anca un metro e łe xe de tipo conposto, vałe a dire ke łe xe fate a so volta da diverse fojete a forma de lancia una drio ł'altra. I fiori, de cołor bianco crema, i xe ingrupà in infioresense fate a ciufo in sima ała pianta.
