Aconitum lycoctonum subsp. vulparia (Rchb.) Nyman

Pol discramiaedje des årtikes avou l' mot "cou-d'-tchåsse", loukîz cial

Li djaene cou-d'-tchåsse d' Almand^[1] u djaene shabot^[2], c' est ene plante ki crexhe so les vås des aiwes, avou ene djaene fleur, ki dveut ravizer les cous-d'-tchåsse a môde almande sol trevén ki ç' no la a stî metou.

No d' l' indje e sincieus latén : Aconitum vulparia, pus spepieuzmint Aconitum lycoctonum subsp. vulparia

Famile : ranonkes

Vicaedje

Elle a des foyes foirt kitaeyeye, come les ôtes ranonkes.

Ele florixh e moes d' djulete-awousse, el Hôte Årdene, todi.

Ele va dner come ene hotche e moes d' awousse.

• foye

• flormint nén co disclôs

• flormint discloyou

• fleur

• hotche e moes d' awousse

• hotches drovowes

Spårdaedje

El Walonreye, on l' voet puvite dins les vås di l' Aiwe di Wåtche et d' l' Ambleve.^[3]

On l' trouve adon eto dins tot l' Levant del France (Lorinne) eyet so les payis e Coûtchant del Mîtrinne Urope.^[4]

Uzaedje

On s' endè sierveut rafûlé divins des bokets d' tchår po-z epwezner les leus.^[5] Et dandjreus ossu les rnåds, si on corwaite ès no e sincieus latén «vulparia».

Sourdants

1. ↑ «genn' cou d'chass' d'Alman» (E125), «djène cu d' tchôsse d'Al'mand» (G100).
2. ↑ «sabot» E150, G100; «djaene» po fé l' diferince avou l' bleu shabot.
3. ↑ G100.
4. ↑ Flore de la Belgique, du Nord de la France et des régions voisines, 1967.
5. ↑ Racsegnes Manfred Lejoly, 2019.