De Strigione (Telestes muticellus oder au Leuciscus muticellus) isch e Süesswasserfisch wo z Italie endemisch isch. Er isch nööch verwandt mit em Ryslig, wo nördlich vo de Alpe haimisch isch.
De Strigione isch e längliche silbrige Fisch mit eme dunklere Rugge und eme violette Straiffe uf de Siite. Er werd 12 bis 17 cm lang.
De Strigione isch en endemischi Art vo Nord- und Mittelitalie. Er mag chüeli Flüss mit ere mässige Ströömig, wie de Po, de Etsch, de Arno oder de Tiber. Er chunnt auber au i Seeje vor, so im Luganersee und im Gardasee.
De Strigione fresst Alge und Wirbelloosi. Er laicht im Mai und im Juni a flache Stele mit ere schnelle Ströömig.
