Bi de Staatskävers (Buprestidae) hannelt sik dat um en Familie vun Kävers ut de Böverfamilie Buprestoidea. Dor gifft dat bi 15.000 Aarden in 450 Geslechter vun.
Staatskävers sünd normolerwiese bannig slank. Ehr Lief löppt na achtern spitz to. Se weert twuschen 0,2 un 6,5 cm lang. Faken sünd se vun’e Klöör her wat heller: gröön, rood oder blau mit Stippels, Striepen oder Bänner un en metallhaftigen Glimmer. Vundeswegen weert allerhand Aarden, ofschoonst man lüttsch, as regelrechte Kunstwarke ankeken un sünd veel Geld weert, wenn se sammelt weert.
Meist all Aarden leevt vun Planten, un de wecken sünd slecht benöömt, vunwegen datt se so veel affreten un kaputtmaken doot. De adulten Kävers laat sik faken up Planten un Boomstämm finnen. Dor freet se Honnig, Blöten un Stoffmehl. De Budden buddelt sik Gänge in dat Holt un bringt bannig Schaden in Wolden tostanne. De Eier weert in Holt afleggt.
Düsse Familie leevt meist in de Tropen, man ok in Gemarken mit matig Klima kummt en Reeg vun Aarden vör. In Europa un Noordamerika sünd de Staatskävers ok in minschliche Städer un Dörper to finnen. In Middeleuropa gifft dat bi 125 Aarden.
Staatskävers sünd veel to finnen up:
Stigmodera macfarlani ut Düütschland
Metaxymorpha gloriosa ut Australien
Calodema wallacei ut Australien un Nee-Guinea
Megaloxantha bicolor ut Indien
Dat Kunstwark "Totem" up dat Ladeuzeplein in Leuven (Belgien besteiht ut en 23 m hoge Nadel un boven up steken en Käver ut de Familie Buprestidae, as wenn sik dat um en entomoloogsche Kollektschoon hanneln dö, , 450x grötter
Bi de Staatskävers (Buprestidae) hannelt sik dat um en Familie vun Kävers ut de Böverfamilie Buprestoidea. Dor gifft dat bi 15.000 Aarden in 450 Geslechter vun.
_mounted.jpg)
