Wuherska woka (Vicia pannonica) je rostlina ze swójby łušćinowcow.
Wopis
Stołpik tuteje jednolětneje zelišćowa rostlina je niskoležacy, horje stupacy abo łažacy, maksimalnje na spódku wobšěrne a docpěwa dołhosć mjezy 20 a 50 cm. Wón ma žłobiki a je najčasćišo mjechko hač do šešerjaće kosmaty kaž lisćowe łopjena.
Łopjena
Lisćowe łopjena su krótce stołpikowe hač do nimale sedźace a maja 7 hač do 9 porow jara krótce stołpikowych łopješkow a maja jednore abo stołpikowe, chětro słabe wobwitki. Łopješka su linealne hač do wusce nawopačnje owalne, docpěwaja dołhosć mjezy 1 a 1,5 cm a šěrokosć mjezy 2 a 5 mm.
Pódlanske łopjena su małe, owalne-lancetojte hač do połšpisformowe,.
Kćenja
Kćěje wot apryl hač do junija. Kćenja docpěwa dołhosć mjezy 1,5 a 1,8 cm.
Poddružinje
Rostlina ma dwě poddružinje.
-
Vicia pannonica subsp. pannonica ma swetłožołte hač nimale běłe kćenja.[3]
-
Vicia pannonica subsp. striata (M. Bieb.) Nyman ma mazane wioletne kćenja.[4]
Nóžki
-
↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 561.
-
↑ W internetowym słowniku: Wicke
-
↑ Wšědna wuhorska woka, němsce "Gewöhnliche Ungarische Wicke". W: FloraWeb.de. (němsce)
-
↑ Smuhata wuhorska woka, němsce "Gestreifte Ungarische Wicke". W: FloraWeb.de. (němsce)
Žórła
- Aichele, D., Golte-Bechtle, M.: Was blüht denn da: Wildwachsende Blütenpflanzen Mitteleuropas. Kosmos Naturführer (1997)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
Eksterne wotkazy
