Le olivo (Olea europaea L. subsp. europaea var. europaea) es un arbore fructifere que produce olivas, un fructo consumite sub diverse formas e de que on extrahe un del principal oleos alimentari, le oleo de oliva. Illo es le varietate, domesticate depost plure millennios e cultivate principalmente in le regiones de climate mediterranee, de un del subspecies de Olea europaea, un specie de arbores e de arbustos del familia del Oleaceas.
