Spencer’s River Tree Frog

Litoria spenceri é unha especie de ra australiana da familia Hylidae.

Descrición

O macho adulto ten uns 50 mm de longo; a femia 60 e o cágado (antes da metamorfose) 40. Os cágados son de cor marrón escura con manchas negras e aletas salpicadas de marrón. Os adultos teñen un dorso verrugoso, son verdes ou marróns. O ventre é de cor branca ou amarela clara. Os dedos das extremidades anteriores están lixeiramente palmedos, e os das inferiores estano totalmente.^{[2] [3] [4]}

Reprodución

A femia pon entre 200 e 1000 ovos adheridos á parte inferior de pedras e rochas na auga a finais da primavera ou principios de verán. Os cágados chegan á metamorfose a finais do verán ou principios do outono. ^{[5][6] [7]}

Alimentación

Os adultos aliméntanse dunha ampla gama de insectos voadores, mentres que os cágados comen algas filamentosas e detritos bentónicos.^[8][9]

Hábitat

Vive nunha ampla variedade de comunidades vexetais de bosques de montaña, secos ou húmidos, entre 200 e 1.100 m de altitude, e inclúen regatos, ríos, pantanos e fervenzas.^[10][11][12]

Distribución xeográfica

Atópase en Australia: desde o lago Eildon (Victoria) ata o Monte Kosciuszko (Nova Gales do Sur).^{[10][13][14][15]}

Costumes

É moi sedentaria e non acostuma a afastarse do lugar onde vive: a maioría dos adultos non se aventuran alén de 80 m do seu lugar habitual.^[5]

Estado de conservación

Está ameazada de extinción pola perda do seu hábitat natural (dragados de ríos onde vive, construción de camiños forestais, perturbacións humanas etc.), a fragmentación da súa poboación, as infeccións por fungos,^[16] o escaso territorio que ocupa (menos de 15.000 km²) e a introdución de especies exóticas (como o peixe Gambusia,^[3] a troita Oncorhynchus mykiss e a troita Salmo trutta), os cales deprendan con avidez as larvas desta ra.^{[17][18][19][20][21][12]}

Notas