Clawed Lobsters

Lobster banyu tawar utawa Freshwater Crayfish kalebu salah siji jinis kéwan akuatik saka kulawarga Astacidae, Cambaridae lan Parastacidae.^[1][2][3] Ing Indonésia, wiwit taun 1991 Lobster banyu tawar minangka rerenggan.^[4]

Anatomi utawa Pérangan Tubuh

Lobster utawa Freshwater Crayfish

Miturut morfologi, spésies-spésies lobster banyu tawar kalebu génus Cherax, [[famili parastacidae]], ordodecapoda, kelas malacostraca, subfilum crustacea, lan filum arthopoda.^[2] Lumrahé lobster banyu tawar duwé titikan morfologi tubuh kang kapérang dadi loro, ya iku sirah (chepalothorax) lan awak(abdomen).^[2] Antarané sirah ngarep lan sirah buri dikenal kanthi sebutan sub-chepalothorax.^[2] Cangkang kang nutupi sirah diarani karapak (carapace) kang tugasé ngayomi organ tubuh kaya ta utek,angsang, ati, lan lambung.^[2] Titikan liyané ya iku rostrum kang mèmper segitiga papak, amba, lan ana eri ing kiwa tengené rostrum.^[2]

Jinis Lobster

1. Cherax Dustructor, ya iku jinis lobster sing paling misuwur ing Australia.^[1][2] Lobster jinis iki bisa urip kanthi cara nggawé bolongan kang jeroné bisa nganti 5 mèter.^[1][2]
2. Cherax Quadricarinatus, luwih misuwur kanthi jejuluk Redclaw. Diarani Redclaw amarga capité rupa abang.^[1][2] Nduwéni jeneng latin Quadricarinatus kang tegesé patang lunas utawa papat lunas (quadri=papat, carinatus=carinae, wujudé kaya lunas) ^[1][2]
3. Procambarus Claarkii, Lobster jinis iki asalé saka laladan Amérika Utara, Lousiana, Delta Missisippi.^[1][2] Warna dominan saka lobster iki wujud abang.^[1][2] Lobster jinis iki duwé sipat agresif,teritorial lan doyan mangan.^[1][2]

Lobster Lanang lan Lobster Wadon

Ana sapirang titikan kanggo mbédakaké lobster lanang lan lobster wadon:^[5]

• Lobster Lanang, (1) duwé tandha abang ing capite, (2) piranti kelamin ana ing tengah-tengahé sikil kang nomer lima, (3) yèn umuré padha, padatan lobster lanang duwé ukuran kang luwih gedhé tinimbang liyané.^[5]

• Lobter Wadon, (1) ora nduwé tandha abang ing capité, (2) piranti kelamin ana ing sikil nomer telu (3) yèn umuré padha, lobster wadon duwé ukuran luwih cilik.^[5]

Cathetan suku