'''Remiz pendulinus[2] ye una especie d'ave paseriforme de la familia Remizidae que vive principalmente en Eurasia.
Ye un páxaru bien pequeñu: mide aprosimao 10 cm de llargor y pesa alredor de 10 g.
Presenta cabeza gris con anches franxes negres, na frente y güeyos, en forma de antifaz. L'envés y la cola son marrones. Les partes inferiores tienen tonos castaños y cremes. El picu ye curtiu y bien apuntiáu.
Les femes tienen l'envés y el pechu d'un tonu más claru.
El páxaru moscón européu ye un ave principalmente migratoria, que cría n'Europa central y oriental y l'oeste d'Asia, amás de los monte del sur d'Europa y Turquía, y muévese a les rexones mediterránees y del suroeste d'Asia pa pasar l'iviernu.
Emite un balbuceante y característicu zii-ii y curtiu garllo.
Aliméntase principalmente d'inseutos y arañes, anque na so dieta tamién entren delles granes.
Cría n'árboles caducifolios, xeneralmente a veres de ríos y llagos con muncha vexetación, yá que precisa árboles apropiaos pa construyir los sos niales colgantes en forma de güevu o bolsa, con un túnel d'entrada. Pa la construcción d'estos usa cañes fines, fibres (yá sían animales o vexetales), teles d'arañes, granes plumoses, etc.
Pon de 5 a 8 güevos, mientres el mes d'abril. Los güevos son de color blancu mate. Solamente la fema guara los güevos. La incubación dura unos 14 díes.
Fotografia d'un nial de páxaru moscón nel Parque rexonal del Sureste, Madrid (España).
'''Remiz pendulinus ye una especie d'ave paseriforme de la familia Remizidae que vive principalmente en Eurasia.