De nandoe-eftigen (Latynske namme: Rheiformes) foarmje in skift fan 'e klasse fan 'e fûgels (Aves), de ûnderklasse fan 'e moderne fûgels (Neornithes), de tuskenklasse fan 'e âldkakigen (Palaeognathae) en de rangleaze groep fan 'e echte âldkakigen (Notopalaeognathae).
Dit út Súd-Amearika ôfkomstige skift omfiemet twa famyljes, de nandoefûgels (Rheidae) en de fossile Opisthodactylidae. Ta de nandoefûgels hearre 2 libbene soarten, nammentlik de nandoe (Rhea americana) en de darwinnandoe of Darwins nandoe (Rhea pennata). De nandoe-eftigen binne nau besibbe oan tinamû-eftigen (Tinamiformes), dy't ek út Súd-Amearika komme, oan 'e útstoarne moä-eftigen (Dinornithiformes) fan Nij-Seelân en oan 'e nije rinfûgels (Novaeratitae), in groep dy't noch trije oare skiften fan flechtleaze fûgels omfettet.
De nandoe-eftigen (Latynske namme: Rheiformes) foarmje in skift fan 'e klasse fan 'e fûgels (Aves), de ûnderklasse fan 'e moderne fûgels (Neornithes), de tuskenklasse fan 'e âldkakigen (Palaeognathae) en de rangleaze groep fan 'e echte âldkakigen (Notopalaeognathae).
Dit út Súd-Amearika ôfkomstige skift omfiemet twa famyljes, de nandoefûgels (Rheidae) en de fossile Opisthodactylidae. Ta de nandoefûgels hearre 2 libbene soarten, nammentlik de nandoe (Rhea americana) en de darwinnandoe of Darwins nandoe (Rhea pennata). De nandoe-eftigen binne nau besibbe oan tinamû-eftigen (Tinamiformes), dy't ek út Súd-Amearika komme, oan 'e útstoarne moä-eftigen (Dinornithiformes) fan Nij-Seelân en oan 'e nije rinfûgels (Novaeratitae), in groep dy't noch trije oare skiften fan flechtleaze fûgels omfettet.
