Os dinosaurios (scientificament Dinosauria; d'o griego: δεινός Deinos, "terrible" y σαύρα Saura, "engardaixo" u "reptil") son un grupo d'animals mayoritariament fosils, descendients d'os Ornithodira, que constituyen un superorden d'os Archosauria. Actualment, se creye que as aus son descendients d'os dinosaurios sauropelvians. Dinosauria fue propuesto por Richard Owen en l'anyo 1842 ta clamar a los granizos y extinctos reptils que s'heban trobato por primera vegata en Gran Bretanya.
Se considera que forman un grupo natural ya que presentan una serie de sinapomorfias que els unen, como por eixemplo un femur articulato con a pelvis por meyo de condilos, dispuesta en anglo respecto d'o femur, y vueito en a pelvis. Se tracta d'a mesma disposición que se presenta en os mamiferos, y que premite que as garras posteriors sostiengan o cuerpo como un pilar.
Bi ha dos ordens de dinosaurios: os ornitopelvians (Ornithischia) y os sauropelvians (Saurischia), que s'esferencian basicament en a forma d'a centura pelviana, en o primer caso pareixita a la d'as aus y en o segundo a la d'os atros reptils.
En a era mesozoica i heba un mar y bellas islas entre o microcontinent d'a Placa Iberica y o continent u continents d'a Placa Euroasiatica. Os sedimentos d'este tiempo cheolochico en o Sistema Iberico son predominantment marins, sobretot calsineras. Sindembargo a man d'as islas u quan baixaba o libel d'a mar local (regresions), podeban sedimentar materials marins con a fauna que i heba, os dinosauros incluitos.
En a provincia de Teruel tenemos chacimientos en Galv, Riodeva, y Penyarroya de Tastavins. O dinosauro de Riodeva Turiasaurus riodevensis ye un sauropodo y uno d'os més grans conoixitos.
En os museus de Territorio Dinópolis se pueden veyer una amostranza d'os dinosurios en Aragón y os suyos chacimientos, o suyo museu emblema ye Dinopolis, situato en Teruel, que ye o parque paleontolochico más gran d'Europa.
Os dinosauros apareixen en muitas obras literarias belunas d'as que bi ha de destacar son Journey to the Center of the Earth de Jules Verne, The Lost World de Sir Arthur Conan Doyle y Jurassic Park de Michael Crichton .
Dende os prencipios de cine os dinosauros son un tema que surte a sobent en cintas como King Kong, Godzilla y as suyas secuelas, Jurassic Park.
En a televisión a mas popular serie a on surten dinosaurios ye os debuixos animatos The Flintstones (Os picapiedra). Tamién bi ha atras series documentals como Walking with Dinosaurs, When Dinosaurs Roamed America y Planet Dinosaur.
Os dinosaurios (scientificament Dinosauria; d'o griego: δεινός Deinos, "terrible" y σαύρα Saura, "engardaixo" u "reptil") son un grupo d'animals mayoritariament fosils, descendients d'os Ornithodira, que constituyen un superorden d'os Archosauria. Actualment, se creye que as aus son descendients d'os dinosaurios sauropelvians. Dinosauria fue propuesto por Richard Owen en l'anyo 1842 ta clamar a los granizos y extinctos reptils que s'heban trobato por primera vegata en Gran Bretanya.
Se considera que forman un grupo natural ya que presentan una serie de sinapomorfias que els unen, como por eixemplo un femur articulato con a pelvis por meyo de condilos, dispuesta en anglo respecto d'o femur, y vueito en a pelvis. Se tracta d'a mesma disposición que se presenta en os mamiferos, y que premite que as garras posteriors sostiengan o cuerpo como un pilar.
