Silene baccifera (L.) Roth

Wšědna hordlica (Cucubalus baccifer) je rostlina ze swójby nalikowych rostlinow (Caryophyllaceae).

Wopisanje

Wšědna hordlica docpěwa wysokosć wot 50 hač 150 cm.

Łopjena su jejkojte, wótre a krótko stołpikate.

Kćěje wot julija hač septembra. Kćenja steja w čumpatych kwětnistwach. Keluch je njerunje pjećzubkowje naduty. Krónowe łopješka su hłuboko dwudźělne, nazeleń běłe. Pěstki su tři.

Płody su čorne pozdatne jahody a docpěwaja dołhosć wot 6 hač 8 mm.

Stejnišćo

Rosće we łučinowych lěsach, kerčinach na wutkatych jiłowych pódach w rěčnych dołach.

Rozšěrjenje

Rostlina je w srjedźnej a južnej Europje, sewjernje hač južneje Jendźelskeje, rozšěrjena.

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 52 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)