Nâ-á-pu̍t (籃仔菝) sī chi̍t-chéng chúi-kó, tī Tek-hòe hoah-chóe Nâ-kiáⁿ-pu̍t. Pa̍t-á/Po̍at-á, ia̍h-sī nâ-pa̍t-á/nâ-po̍at-á sī chi̍t-chióng jia̍t-tāi ké-chí. I seⁿ-chòe îⁿ-îⁿ iah sī hô·-lô· hêng. Pa̍t-á-châng seⁿ-liáu é-é, hio̍h-á sī ah-nn̄g-hêng, khui ê hoe sī pe̍h--e. Pa̍t-á kū-té sī àn Bí-chiu ê sio-joa̍h tē-khu lâi-ê. Chin-chōe jia̍t-tāi kok-ka ê lâng chèng pa̍t-á-châng in-ūi pa̍t-á put-kóan chheⁿ-chia̍h, pha̍k-koaⁿ, iah sī phah kó-chiap lóng chin ho-chia̍h. Chheⁿ ê pa̍t-á ū chin-chē bî-tá-mín A, B kap C. Chheⁿ-chia̍h ê sî ē-sài ùn bôe-á-hún.
Ū-ì-sù ê sī kok-gí hoah Nâ-á-pu̍t chòe "芭藥", sī tùi bân-lâm-ōe ê pa̍t-á (pa̍t-á si̍t-chè hoat-im sī pat-la) lâi-ê.
