Gio̍k-toà-lōng-tia̍p (Hàn-jī: 玉帶挵蝶, ha̍k-miâ: Daimio tethys) kui-sio̍k-tī lōng-tia̍p-kho, si̍t-kó· thìⁿ-khui ū 32 kàu 37 mm. I ê goā-koan kah pe̍h-kûn-lōng-tia̍p beh-kâng-beh-kâng, m̄-koh téng-koân-si̍t-kó· tiong-ng ū khah toā-hêng ê pe̍h-pan, jî-chhiáⁿ ē-kha-si̍t-kó· piáu-bīn ê toā pe̍h-pan sī tī si̍t ê tiong-ng, ah pe̍h-kûn-lōng-tia̍p ê toā pe̍h-pan khah chiap-kīn goā-iân. Kang--ê kap bó--ê ê goā-koan chha-bô-goā-chē.
Gio̍k-toà-lōng-tia̍p ji̍t--sî chhut-lâi oa̍h-tōng, si̍t-chháu-sèng, toà-tī chháu-á-châng, hun-pò· tī kē-hái-poa̍t kàu tiong-hái-poa̍t ê soaⁿ-khu, Sêng-thâng chhut-hiān tī chhun-thiⁿ kàu chhiu-thiⁿ. I kah-ì pái-hóng hoe-lúi kap suh hoe-bi̍t.
