She billey yn-lhoamey eh euar (Taxus baccata). T'eh dooghyssagh da'n Europey heear, meanagh as jiass, yn Affrick heear-hwoaie, yn Eeraan hwoaie as yn Aishey heear-hwoaie.[1] T'eh nieunagh.
Ta euar gaase wheesh as 20m er yrjid, as wheesh as 2m er crantessen. Ta roost thanney scaailagh dhone echey, as t'eh jannoo lhiannagyn beggey. Ta duillagyn sleeanagh geayney dorraghey echey, er nyn reaghey myr caslagh er y ghass, agh ta bun y duillag cassit; myr shen, ta ny duillagyn ayns daa straih rea er çheuyn ny gish.
Myr bearkanee elley, t'eh cur magh birk myr rass. Y veark oc, shen un rass as un chrottyl mygeayrt eh. T'eh çheet dy ve nyn arilyn jiargey fy yerrey. Ta ein gee ny h-arilyn as skeaylley ad. Ta ny rassyn hene nieunagh, agh cha nel yn aril.
Ta'n chooid smoo jeh nieunagh, er lhimmey jeh'n aril jiarg mygeayrt y rass, as myr shen foddee ein eshyn y ee. She taxane eh y nieu smoo scanshoil, ny alkaloyd. T'eh nieunagh da cabbil er lheh, agh da sthock elley as deiney myrgeddin. T'eh cur ort craa, co-leaystey, tuittym, doilleeidyn ennalagh, feayrid as failleilys cree. Agh foddee ad feddyn baase cho leah nagh vel ny cowraghyn ry-akin.[2] Ta'n fuygh foast nieunagh erreish da goll er giarrey.
T'ad credjal dy daink euar ass Proto-Ghermaanagh *īwa-, myr eeasaght ass Gaulish ivos, foddee. T'eh cosoylagh rish ēo 'sy Yernish, ywen 'sy Vretnish, yew 'sy Vaarle. Ta Baccata Ladjyn er son cur magh berrishyn jiargey.
She billey yn-lhoamey eh euar (Taxus baccata). T'eh dooghyssagh da'n Europey heear, meanagh as jiass, yn Affrick heear-hwoaie, yn Eeraan hwoaie as yn Aishey heear-hwoaie. T'eh nieunagh.
