Stachys sylvatica L.

Lěsna přeslička (Stachys sylvatica) je rostlina ze swójby cycawkowych rostlinow (Lamiaceae).

Wopis

Lěsna přeslička je trajne zelo, kotrež docpěje wysokosć wot 30 hač 100 cm. Rostlina wonja rozrybowana njepřijomna.

Stołpik je wotstejo kosmaty.

Łopjena

Łopjena su kopřiwam podobne, stołpikate, kosmate a wutrobojte, hrubje a wótře zubate.

Kćenja

Kćěje wot junija hač septembra. Kćenja su ćmowobrunočerwjene z mustrowanymi delnimi hubkami a docpěja dołhosć wot 1,2 hač 1,6 cm. Wjele, zwjetša šěsćkćenjowych, mutličkow z małkimi łopješkami steji čumpaće jedna nad druhej na kóncu stołpika. Króna docpěje dołhosć wot 12 hač 15 mm z nimale dwójce tak dołhej delnjej hubku. Keluch docpěje dołhosć wot 4 hač 7 mm a je husto kosmaty.

Stejnišćo

Rosć w lěsach, kerčinach, na lěsnych žórłach, pućnych kromach. Ma radšo włóžne hač mokre, wutkate pódy na chłódkojtych abo połchłódkojtych stejnišćach.

Rozšěrjenje

Rostlina w Europje rozšěrjena, ale w juhu jenož w horinach.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 390.
2. ↑ W internetowym słowniku: Ziest

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 318 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 94 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Lěsna přeslička

• Lěsna přeslička. W: FloraWeb.de. (němsce)
• Rozšěrjenje