Darwin Tilkisi

Louarn Darwin (Pseudalopex fulvipes) a zo ur bronneg kigdebrer bihan eus ar genad Pseudalopex.

Dizoloet e voe en Enez Chiloé war aodoù Chili gant Charles Darwin e 1834. Da gentañ e kredjod ne oa anezho nemet en enezenn-se met ur boblañs vihan a voe dizoloet e 1990^[1] e Park Broadel Nahuelbuta ha studioù genel o deus diskouezet eo al louarn-se ur spesad distag^[2].

Rummatadur

Pseudalopex zo ur genad er c'herentiad Canidae. Liammet a-bell eo ouzh ar bleizi ha distag diouzh al lern zo izili eus ar genad Vulpes. Pa dapas Darwin unan e 1834 e verzas e oa disheñvel diouzh ar spesadoù kavet war ar c'hevandir (P. culpaeus ha P. griseus)^[3] ha ne c'helle ket gouennañ gant spesadoù all ar genad Pseudalopex.

E-pad ar pleistosen e oa staget enez Chiloe ouzh an douar-bras gant ur pont douar. Beuzet e voe hemañ 15.000 bloaz 'zo e fin ar maread-skorn diwezhañ^[4]. Div boblañs distag a lern Darwin a voe krouet gant an darvoud-se.

Deskrivadur

Ur vlevenn gell-du pe du gant brizhelloù ruzart war e zremm en deus louarn Darwin. Bihanoc'h eo eget spesadoù ar c'hevandir ha berroc'h eo e bavioù. Etre 2 ha 4 kg eo e bouez.

Annez

Er c'hoadegoù klouar hepken e kaver louarn Darwin^[5].. Un aneval oberiant da serr-noz eo dreist-holl.

Liammoù diavaez

Louarn Darwin

War Wikispecies e vo kavet ditouroù ouzhpenn diwar-benn:

Pseudalopex

Muioc'h a restroù diwar-benn

Louarn Darwin

a vo kavet e Wikimedia Commons.

Daveoù

1. ↑ Medel, R.G. et al. 1990. Discovery of a continental population of the rare Darwin Fox, Dusicyon fulvipes (Martin, 1839) in Chile. Biological Conservation 51:71-77
2. ↑ Yahnke, C.J. et al. 1996. Darwin's Fox: A Distinct Endangered Species in a Vanishing Habitat. Conservation Biology 10:366-375
3. ↑ Darwin, C. 1839. Journal of researches into the geology and natural history of the various countries visited by H.M.S. Beagle, under the command of Captain Fitzroy, R.N. from 1832–1836. London: Henry Colburn.
4. ↑ Villagrán, C. 1988. Late Quaternary vegetation of Southern Isla Grande de Chiloë, Chile. Quaternary Research 29: 294–306
5. ↑ Jiménez, J.E., Lucherini, M. & Novaro, A.J. 2004. Pseudalopex fulvipes. In: IUCN 2004. 2004 IUCN Red List of Threatened Species.