La falsa fresa o fresa india ye una planta yerbácea perenne de la familia Rosaceae qu'anque la xamasca y la fruta son similares, nun ye una verdadera fresa y puede estremase perfectamente poles sos flores marielles en comparanza cola verdadera fresa que les tien blanques o rosaes.
Ye nativa del Asia del este y meridional, pero estendióse como planta ornamental, anque se-y considere planta nociva en delles rexones.
Les fueyes son trifoliaes y de color verde escuru. Les flores marielles. Los frutos son coloraos con granes coloraes pero non duces como la verdadera fresa.
Potentilla indica describióse por (Andrews) Th.Wolf y espublizóse en Synopsis der Mitteleuropäischen Flora 6(1[34,35]): 661. 1904.[1]
Potentílla: nome xenéricu que remanez del llatín postclásico potentilla, -ae de potens, -entis, potente, poderosu, que tien poder; llatín -illa, -illae, sufixu de diminutivu–. Alude a les poderoses presuntes propiedaes tóniques y astringentes d'esta planta.
indica: epítetu llatín que significa "de la India".[2]
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. La falsa fresa o fresa india ye una planta yerbácea perenne de la familia Rosaceae qu'anque la xamasca y la fruta son similares, nun ye una verdadera fresa y puede estremase perfectamente poles sos flores marielles en comparanza cola verdadera fresa que les tien blanques o rosaes.
