Die Straal-vuurvis (Pterois radiata) is 'n vis wat wydverspreid voorkom in die Stille Oseaan en Indiese Oseaan. In Engels staan die vis bekend as die Radial firefish.
Die vis word tot 20 cm lank. Die lyf is donkerrooi met dun, wit vertikale strepe oor die sye. Die pektorale vinne is lank en wit. Daar is unieke horisontale wit strepe op die stertvinbasis. Die pektorale vinne se membrane het geen merke op nie.
Die vis leef in aflandige koraal- en rotsriwwe in water wat tot 1 tot 25 m diep is. Die onvolwasse vissies kom soms in getypoele voor. Hulle is gewoonlik alleenlopers en neig om bedags in rotsskeure weg te kruip. Snags jag hulle klein vissies en garnale.
Die Straal-vuurvis (Pterois radiata) is 'n vis wat wydverspreid voorkom in die Stille Oseaan en Indiese Oseaan. In Engels staan die vis bekend as die Radial firefish.