Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
Oporornis formosus, tamién conocíu como reinita de Kentucky,[1] ye una especie d'ave migratoria del Nuevu Mundu, clasificada dientro de la familia Parulidae.
Les aves adultes miden 12 o 13 cm de llargor. Hai un llixeru dimorfismu sexual. El machu carauterízase por una mázcara negra qu'inclúi lores, zona subocular y auricular, estendiéndose parcialmente hasta los llaos del pescuezu; pela llinia superciliar mariella y la corona negra. El llombu, nales y cola son de color pardu oliváceo, y les partes ventrales (gargüelu, pescuezu, pechu y banduyu) de color mariellu.
La fema ye similar al machu, pero estrémase por que la mázcara y la corona son de color pardu olivaceu escuru. Los individuos inmaduros son similares a los adultos.
Ye una especie que se reproduz nel este de los Estaos Xuníos al sur de los grandes llagos, cola esceición notable de la península de la Florida, onde habita montes perennifolios y mistos de clima templáu y húmedu. Pel hibiernu migra al sur de Méxicu, les Antilles, América Central y norte de Suramérica (Colombia y Venezuela), onde se distribúi en montes tropicales húmedos de baxa elevación.
Busca'l so alimentu ente la foyarasca del suelu.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. Oporornis formosus, tamién conocíu como reinita de Kentucky, ye una especie d'ave migratoria del Nuevu Mundu, clasificada dientro de la familia Parulidae.
