Ötleğen

Sylvia er ei biologisk slekt av små insektetande fuglar, nokre gonger kalla verklege eller typiske songarar. Slekta høyrer til familien Sylviidae. Artane i Sylvia finst i tempererte og subtropiske område av vestlege palearktis, med sentrum rundt Middelhavet.

Mange av artane i slekta Sylvia viser kjønnsdimorfisme, med distinkte fjørdrakter for kjønna. Eit fellestrekk er at hannar av einskilde artar har eit svart fjørparti på hovudet og at dette partiet er brunt eller grått hos hoer. Artar som hekkar i tempererte område er vanlegvis sterke trekkfuglar, med nokre unntak. Slekta er prega av fuglar som er mykje aktive og i konstant rørsle, og lever i relativt open skog og i buskhabitat.

'Sylvia' kjem av det latinske ordet 'silva' som tyder «skog».

Taksonomi

Den vesle gruppa av parisomasongarar er ofte plassert i si eiga slekt Parisoma (Swainson i Richardson, 1832), men mange taksonomar tar i dag parisomasongarar med i slekta Sylvia ettersom dei to gruppene elles er parafyletiske.^[1] Tilhøvet mellom den verkelege songarane i slekta Sylvia og sothovudlauvtimal, Pseudoalcippe abyssinica, og snarsongar, Rhopophilus pekinensis, er ikkje heilt løyst, men er absolutt meir fjernt.

Sylvia er ei evolusjonær linje med buttnebbar og nokre få andre artar som ein tidlegare rekna høyrde til timalar, Timaliidae^[2]. Andre slekter som tidlegare var plassert i songarfamilien Sylviidae er flytta til andre familiar, til dømes til grassongarfamilien. På grunn av eigenarten sin vil somme handsama gruppa Sylvia-Parisoma som ein underfamilie Sylviinae, men fleire artar i gruppa må studerast ut frå ny vite om gruppa.

Som nemnt i teksten over er slekta Sylvia i si noverande form ikkje monofyletisk.

Sylvia i rekkjefølgje etter EBird/Clements Checklist v2019^[3] med norske namn etter Norske navn på verdens fugler:^[4]

• Gråhovudtimalsongar, Sylvia abyssinica, African Hill Babbler, Rüppell, 1840, (LC)
• manglar norsk namn, Sylvia atriceps, Rwenzori Hill Babbler
• Raudnebb, Sylvia nigricapillus, Bush Blackcap, Vieillot, 1818, (NT)
• Kvistdansar, Sylvia dohrni, Dohrn's Thrush-Babbler, Hartlaub, 1866, (LC)
• Munk, Sylvia atricapilla, Eurasian Blackcap, Linné, 1758, (LC)
• Hagesongar, Sylvia borin, Garden Warbler, Boddaert, 1783, (LC)
• Saharasongar, Sylvia deserti, African Desert Warbler, Loche, 1858, (LC)
• Ørkensongar, Sylvia nana, Asian Desert Warbler, Hemprich & Ehrenberg, 1833, (LC)
• Hauksongar, Sylvia nisoria, Barred Warbler, Bechstein, 1792, (LC)
• Skifersongar, Sylvia layardi, Layard's Warbler, Hartlaub, 1862, (LC)
• Bandsongar, Sylvia boehmi, Banded Parisoma, Reichenow, 1882, (LC)
• Rustgumpsongar, Sylvia subcoerulea, Chestnut-vented Warbler, Vieillot, 1817, (LC)
• Møllar, Sylvia curruca, Lesser Whitethroat, Linné, 1758, (LC)
• Jemensongar, Sylvia buryi, Yemen Warbler, Ogilvie-Grant, 1913, (NT)
• Sørgjesongar, Sylvia lugens, Brown Parisoma, Rüppell, 1840, (LC)
• Raudehavssongar, Sylvia leucomelaena, Arabian Warbler, Hemprich & Ehrenberg, 1833, (LC)
• Punersongar, Sylvia hortensis, Western Orphean Warbler, Gmelin, JF, 1789, (LC)
• Meistersongar, Sylvia crassirostris, Eastern Orphean Warbler, Cretzschmar, 1830, (LC)
• Atlassongar, Sylvia deserticola, Tristram's Warbler, Tristram, 1859, (LC)
• Kyprossongar, Sylvia melanothorax, Cyprus Warbler, Tristram, 1872, (LC)
• Steppesongar, Sylvia mystacea, Menetries's Warbler, Ménétries, 1832, (LC)
• Svartstrupesongar, Sylvia ruppeli, Rüppell's Warbler, Temminck, 1823, (LC)
• Raudstrupesongar, Sylvia cantillans, Subalpine Warbler, Pallas, 1764, (LC)
• Maquissongar, Sylvia subalpina, Moltoni's Warbler, Temminck, 1820, (LC)
• Svarthovudsongar, Sylvia melanocephala, Sardinian Warbler, Gmelin, JF, 1789, (LC)
• Tornsongar, Sylvia communis, Greater Whitethroat, Latham, 1787, (LC)
• Maskesongar, Sylvia conspicillata, Spectacled Warbler, Temminck, 1820, (LC)
• Sardiniasongar, Sylvia sarda, Marmora's Warbler, Temminck, 1820, (LC)
• Vinsongar, Sylvia undata, Dartford Warbler, Boddaert, 1783, (NT)
• Balearsongar, Sylvia balearica, Balearic Warbler, von Jordans, 1913, (LC)

Kjelder

Referansar