dcsimg

Пајаковидни мајмуни ( Makedonca )

wikipedia emerging languages tarafından sağlandı

Пајаковидните мајмуни (латински: Atelidae) образуваат фамилија на широконосни мајмуни (Platyrrhini). Фамилијата вклучува околу 30 современи видови, распространети исклучиво во Новиот свет.

Опис

Пајаковидните мајмуни (понекогаш наречени и дрекавци) се најголемите мајмуни во Америка: тежината на возрасните единки изнесува 4-10 kg. Должината на телото е 24-65 cm, опашката е долга 55-90 cm.[1] Женките се нешто поголеми и потешки од мажјаците. Оголеното подрачје на долната страна од врвот на опашката е прекриено со кожни ридчиња, благодарение на кои се постигнува жилавост. Предните екстремитети се подолги од задните, а кај некои примероци се речиси еднакви. Палецот на раката отсуствува или е редуциран (го има само кај волнените мајмуни); палецот на стапалото е развиен. Крзното е долго и различно обоено.

Распространување

Ги населуваат шумите на Средна и Јужна Америка. Ареалот на север е ограничен со јужните региони на Мексико, а на југ со централен Бразил и Боливија.

Начин на живеење

Живеат на дрвја движејќи се по пат на полубрахијација со прикачување на предните екстремитети и прехензивната опашка. Активни се во текот на денот. Се држат во семејни групи или стада до 100 единки. Се исхрануваат со растителна и животинска храна; претпочитаат овошје, семиња и листести растенија. Освен тоа, во исхраната употребуваат и јајца од птици.

Одредена сезона на размножување отсуствува. Бременоста трае 225-230 дена. Дрекавците се карактеризираат со ниска плодност: раѓаат само едно младенче кое првите две-три години е покрај мајката. Од 4-5 месеци тие започнуваат да јадат растителна храна. Женките се пораѓаат секои 3-4 години. Пајаковидните мајмуни живеат во семејства чија бројност достигнува и до 30 единки кои често се групираат во помали групи од по 3-4 животни. Мажјаците се поагресивни од женките и се водачи. Мајките се занимаваат со груминг на своите млади. Се движат на две и четири екстремитети.

Систематика

Во оваа фамилија има две подфамилии:

Литература

  • Groves, Colin (16 November 2005). in Wilson, D. E., and Reeder, D. M. (eds): Mammal Species of the World, 3rd edition, Johns Hopkins University Press, 150—152. — ISBN 0-8018-8221-4.

Наводи

  1. Пајаковидни мајмуни, статија од Големата советска енциклопедија.
lisans
cc-by-sa-3.0
telif hakkı
Автори и уредници на Википедија

Пајаковидни мајмуни: Brief Summary ( Makedonca )

wikipedia emerging languages tarafından sağlandı

Пајаковидните мајмуни (латински: Atelidae) образуваат фамилија на широконосни мајмуни (Platyrrhini). Фамилијата вклучува околу 30 современи видови, распространети исклучиво во Новиот свет.

lisans
cc-by-sa-3.0
telif hakkı
Автори и уредници на Википедија