Trešnė, sīkēs čerešnė (luotīnėškā: Prunus avium) ī vaisius siprėnons medelis, augėnams suodnūs, gīvenėmūs, šalėp keliū. Trešnė kėlėma nug Vakarū Azėjės ī, bet nug sena žmuonis ana augėn vėsuo Euruopuo.
Trešnė 15-32 m augoma medis ī. Lapā 7-14 cm ėlgoma, švėisesni kap vīšnės. Ont lapa kuotalė nedėdli rauduoni ėškėlėmā būn. Gausē žīda pavasarie. Vaisē 1-2 cm skersmenė ougas ī, katras būn švėisesnės ė minkštesnės kap vīšnės. Tas ougas – kap tiktās anas prisirpst – spierē nules paukštē aba ėšgriauž vapsas. Ougas saldės, soltingas ī.
