Kukupu/Kupu-kupu dan gagat (rama-rama) merupakan serangga nang tamasuk ka dalam ordo Lepidoptera, atawa 'serangga bahalar sisik' (lepis, sisik dan pteron, halar).
Awan cara sederhana, kupu-kupu dibedaakan awan gangat alias kupu-kupu malam badasarkan waktu aktifnya dan ciri-ciri fisiknya. Kupu-kupu umumnya aktif di waktu siang (diurnal), sedangkan gengat kebanyakan aktif di waktu malam (nocturnal). Kupu-kupu baistirahat atawa hinggap awan cara mancagatakan halarnya, gagat hinggap awan cara maurak halarnya. Kupu-kupu biasanya baisi warna nang bengkeng mancilang, tapi gagat katuju warna kadap, kusam atawa habuk. Meski damintu, perbedaan-perbedaan naini tatap ada haja jua perkecualiannya, makanya secara ilmiah kada kawa dijadikan pegangan nang pasti. (van Mastrigt dan Rosariyanto, 2005).
Kupu-kupu dan gagat bujur-bujur banyak macamnya. Di Jawa dan Bali haja tacatat lebih pada 600 spesies kupu-kupu. Jenis gagatnya sampay wayahini baluman suwah diulahakan daptar langkapnya, tapi diduga ada ratusan macam (Whitten dkk., 1999). Kupu-kupu gin manjadi salah satu dari sadikit haja macam serangga nang kada babahaya bagi manusia.
