She lus 'sy chynney Iridaceae ee cleeshag ny cliogagh (Iris pseudacorus). T'ee dooghyssagh da'n Oarpey, yn Aishey heear as yn Affrick heear-hwoaie. She "far-acorus" eh bun yn ennym oaylleeagh eck, er y fa dy vel ny duillagyn eck gollrish duillagyn Acorus calamus.
She lus lussagh sheer-vio t'ayn. T'ee gaase wheesh as 150cm er yrjid. Ta duillagyn cliweagh wheesh as 90cm er lhiurid eck. Ta blaaghyn buigh gial eck, 7-10 cm er lheead. T'ad goll er pollnaghey liorish shellanyn breck as shey-chassee elley. [1] She kishtag eh y mess eck, as ymmodee rassyn dhoneyn aynjee.
Share jee thalloo tash, as t'ee cadjin ayns curree. T'ee shassoo noi ushey wheesh as 25cm er diunid, pH injil (3.6-7.7) as thalloo gyn ocsygien.[1] T'ee skeeaylley liorish raisoamyn chammah's rassyn; ta ny rassyn snaue er yn ushtey dys thalloo noa. Ga dy nee lus ushtee t'ayn, ta ny raisoamyn surranse çhirmid beayn. T'ee gaase wheesh ard as 300m erskyn yrjid ny marrey. [1] Ta feme eck er ram nitrageen. [1]
Ayns Albin heear, ta thammagyn cleeshag nyn oayllyn scanshoil da eean raip.
She lus jesheenagh cadjin t'ayn ayns ardjyn tempreilagh.[2] Ta caghlaaghyn troarag ayn ta cooie da garey curree. Chossyn daa hroarag Award of Garden Merit liorish y Royal Horticultural Society:-
Ayns ardjyn, ta cleeshag er jeet dy ve ny lus ruegyssagh ta cur lossreeyn dooghyssagh fo smaght. S'doillee eh geddyn rey ree, eer liorish traaue raisoamyn.
Ta lhiettrimys er y lus ayns kuse dy vuill: [1]
Ren ad ymmyd jeh'n raisoam myr stoo lheeys.[14] She jough hilgee v'ayn dy cadjin. Ta'n soo eck geyre as farbagh da'n chrackan as scowanyn. Foddee eh gientyn çhingys gailley rish ee.[15]
Ren ad ymmyd jee dys glenney ushtey, er coontey'n ablid eck dy soo stiagh meainyn trome.[16] Ta ny fraueyn eck cochiangley drundin as lhiettal crimmey.[16]
Blaa
Iris pseudacorus
Iris pseudacorus
Iris pseudacorus
Messyn
Rassyn
She lus 'sy chynney Iridaceae ee cleeshag ny cliogagh (Iris pseudacorus). T'ee dooghyssagh da'n Oarpey, yn Aishey heear as yn Affrick heear-hwoaie. She "far-acorus" eh bun yn ennym oaylleeagh eck, er y fa dy vel ny duillagyn eck gollrish duillagyn Acorus calamus.
