De Cephalocarida of kopgernale vörmen 'n klas. Ze staon bekèntj vanwaenge häöre vraemdje liefsboew, döks mit 'n krómming.
Kopgernale zeen klein (van twieë toet 3,7 mm) en betrèkkelik primitief krabechtige. Ze zeen lankwirpig en vrie einveljig van liefsboew vergeleke mitte meiste anger sjaoldere. Ze bestaon oet 'ne kop zónger ouge, mit 'n eintakkige ieëste anten, 'n twieëtakkige, good-óntwikkeldje twieëdje anten, 'ne mandibel (bek) mit palp, meh gein maxillipede.
De thorax (bórsstök) druueg geine carapax en bezitj ach segmente mit ach paar twieëtakkig pereopode. 't Abdomen (achterlief) besteit oet twieë segmente zónger pleopode. Uropode zeen good óntwikkeldj en e telson is aafwaezig.
De neuge besjreve saorte zeen benthische (oppe zieëbaomlaevendje) zieëbieëster. Ze zeen gevónje vanne getiejezaon toet op 'n deepdje van 1500 maeter. Ze veuje zich mit detritus (doead organisch matterjaal) en zeen te vinjen in alderhenj saorten aan sediment, van zaachte, leimigen drek toet in graove, good-gesorteerdje zandj.
Ze kómme veur anen oeas- en wèskös van gemaotig toet troeapisch Naord- en Zuud-Amerika, in Nuuj-Zieëlandj, Nuuj-Caledonië en Japan/
De Cephalocarida of kopgernale vörmen 'n klas. Ze staon bekèntj vanwaenge häöre vraemdje liefsboew, döks mit 'n krómming.
