Myxophagans

Över-Kogelkäver (Sphaerius acaroides)

De Unnerornen Myxophaga (ooldgr. „Sliemfreters“) is de lüttste Unnerornen mank de Kävers (Coleoptera). Dor höört bloß man veer Familien mit bi 100 Aarden to. Beschreven wurrn is se 1955 dör Roy Crowson. Dor is se ok de jungste Unnerornen mank de Kävers mit.

Kennteken

De Käver sünd bannig lüttjet: mehr as 2,7 Millimeters lang weert se nich. De meisten Aarden sünd veel lüttjer. De Budden sünd anpasst an dat Leven in’t Water.

Wie se leven doot

De Imagines un ok de Budden freet to’n groten Deel oder ok bloß man Algen un Blaualgen. De meisten Aarden mank de Torridincolidae un Hydroscaphidae leevt direktemang in’t Water. De annern Familien sünd noch nich good utforscht un siedelt in en fuchtig Umto, sunnerlich an’t Över vun Ströme un Beken.

Systematik

De veer Familien mank de Myxophaga, de dat hüdigendags noch gifft, verdeelt sik up twee Superfamilien. De Familie Torridincolidae is denn noch mol updeelt in twee Unnerfamilien:

• Superfamilie Lepiceroidea Hinton, 1936 (1882)
  • Familie Lepiceridae Hinton, 1936 (1882)
• Superfamilie Sphaeriusoidea Erichson, 1845
  • Familie Torridincolidae Steffan, 1964
    • Unnerfamilie Torridincolinae Steffan, 1964
    • Unnerfamilie Deleveinae Endrödy-Younga, 1997
  • Familie Hydroscaphidae LeConte, 1874
  • Familie Sphaeriusidae Erichson, 1845

Dree Superfamilien mit sess Familien sünd al utstorven:

• Superfamilie Asiocoleoidea Rohdendorf, 1961 †
  • Familie Asiocoleidae Rohdendorf, 1961 †
  • Familie Tricoleidae Ponomarenko, 1969 †
• Superfamilie Rhombocoleoidea Rohdendorf, 1961 †
  • Familie Rhombocoleidae Rohdendorf, 1961 †
• Superfamilie Schizophoroidea Ponomarenko, 1968 †
  • Familie Schizophoridae Ponomarenko, 1968 †
  • Familie Catiniidae Ponomarenko, 1968 †
  • Familie Schizocoleidae Rohdendorf, 1961 †