Wódrak[1][2] (Borago) je ród ze swójby wódrakowych rostlinow (Boraginaceae).
Wopis
Družiny su jednolětne rostliny abo krótko žiwe trajne zela. Zwjetša zrunane rostliny njesu seršćate kosmy.
Na spódku stejace łopjena su lancetojte a tworja kupy. W nalěću z nich nastanu spěšnje rozhałuzowace stołpiki z kćenjemi.
Wot kónca nalěta njesu poł wisace, hwěžkojte, purpurmódre abo běłe kćenja.
Systematika
Ród Borago je mjeno dawacy ród za swójbu Boraginaceae, podswójbu Boraginoideae a tribus Boragineae. Ród je monofyletiski a sotrowska skupina wot Symphytum [3].
Ród wobsteji z pjeć družinow w dwěmaj podrodomaj [4]:
- Podród Borago: so wuzběhuje přez zrunany róst a módre, kołojte kćenja
- Podród Buglossites (Moris) Gusul.: wobmjezowany na Korsiku, Sardiniju a kupu Capraia. Wone su ležace a maja swětłe, zwónčkojte kćenja.
Mjeno Borago pochadźa wot arabskeho słowa araq za pót a so poćahuje na wužinje jako a. d. pót ćěrjacu hojensku rostlinu.
Nóžki
-
↑ 1,0 1,1 Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 559.
-
↑ 2,0 2,1 W internetowym słowniku: Borretisch
-
↑ H. H. Hilger, F. Selvi, A. Papini, M. Bigazzi: Molecular Systematics of Boraginaceae Tribe Boragineae Based on ITS1 and trnL Sequences, with Special Reference to Anchusa s.l., W: Annals of Botany, Band 94, 2004, S. 201-212 doi:10.1093/aob/mch132
-
↑ F. Selvi, A. Coppi, M. Bigazzi: Karyotype Variation, Evolution and Phylogeny in Borago (Boraginaceae), with Emphasis on Subgenus Buglossites in the Corso-Sardinian System, W: Annals of Botany, Band 98, 2006, S. 857-868. doi:10.1093/aob/mcl167
Žórło
- Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, strona 172 (němsce)
Eksterne wotkazy