Fuchsijokwětny januškowc (Ribes speciosum, němsce Fuchsienblütige Johannisbeere) je kerk ze swójby kosmačkowych rostlinow (Grossulariaceae).
Fuchsijokwětny januškowc je w lěću zeleny, ćernjojty kerk, kotryž docpěje wysokosć a šěrokosć wot hač do 2 m. Młode wurostki su čerwjene. Rostlina je přećiwo zmjerzkej čućiwa. Kałače docpěja dołhosć wot 10 hač do 20 mm.
Owalne łopjena su třilapate hač pjećlapate, błyšćace zelene a docpěja wulkosć wot 1 hač 3,5 cm. Při tym škałoby mjezy lapami su wuske. Jich stołpiki docpěja dołhosć wot 0,5 hač do 2 cm. Jich baza je klinojta. Kroma njese małko płonych zubkow. Kónčki su skulojćene.
Kćěje w pózdnjej zymje. Wuske, dele wisace kćenja su čerwjene, šěrše hač dołhe a steja po jednym abo po dweju hač po štyrjoch w 2 hač 7 cm dołhich pakićach. Jich dołhe próškołopješka su čerwjene a dwójce hač štyri króć tak dołhe kaž krónowe łopješka. 4 čerwjene keluškowe łopješka su zrunane a docpěja wulkosć wot 6 hač do 10 mm. 4 čerwjene krónowe łopješka su zrunane a dołhojte, maja nutř žołmičkatu kromu a docpěja wulkosć wot 6 hač do 10 mm. Nahe próškowe nitki su linealne a docpěja dołhosć wot 12 hač do 40 mm. Owalne próšniki su wioletne abo čerwjene, njesu skulojćeny kónčk a docpěja wulkosć wot 2 mm.
Wysoke łopješki su šěroko-jejkojte a docpěja dołhosć wot 4 hač do 8 mm. Kćenjowe stołpiki docpěja dołhosć wot 8 hač do 12 mm.
Kulowate płody su čerwjene, husto žałzojće seršćikate a docpěja wulkosć wot 10 hač 12 mm.
Pochadźa z Kaliforniskeje.
Fuchsijokwětny januškowc (Ribes speciosum, němsce Fuchsienblütige Johannisbeere) je kerk ze swójby kosmačkowych rostlinow (Grossulariaceae).
