Arctonyx collaris F. G. Cuvier 1825

Ar broc'h-fri-togn (Arctonyx collaris) a zo ur bronneg eus kerentiad ar mustelideged.

Krenndev eo e gorf (war-dro 70 cm), gell e vlevenn ha gwenn e c'houzoug. Tennañ a ra e fri da hini ar pemoc'h. Bihanoc'h eo eget ar broc'h ha kreñvoc'h eo skilfoù e bavioù a-raok. Gallout a ra bevañ 13 bloavezh en ur gwarezva.

E koadegoù glaviek gevred Azia e vev ar broc'h-fri-togn. Daoust dezhañ bezañ rummataet en urzhiad ar c'higdebrerien eo un hollzebrer. Debriñ a ra anevaled bihan, frouezh ha gwrizioù. Oberiant eo diouzh an noz dreist-holl.

Isspesadoù

C'hwec'h isspesad a anavezer:

• A. c. collaris -- Sikkim, Bhoutan hag Assam
• A. c. dictator -- Thailand, Vietnam ha norzh Myanmar
• A. c. hoevi -- Sumatra
• A. c. leucolaemus -- Norzh Sina
• A. c. albugularis -- Su Sina
• A. c. consul -- Su Assam ha Myanmar

Liammoù diavaez

ar broc'h-fri-togn