Sutera Roth l'è 'n zèner de piànte de fiùr che fà part de la famìa de le Scrophulariaceae, perlopiö uriginàrie del Sudafrica e de la Namibia.
El zèner Sutera l'è stat discriìt per la prìma ólta endèl 1807 del botànich todèsch Albrecht Wilhelm Roth e püblicàt en Botanische Bemerkungen und Berichtigungen.
En prensépe chèsto zèner el tülìa dét presapóch 130 spéci. Stüde piö recèncc però i g'ha dimustràt che isé come che l'ìa organizàt, l'ìa mìa monofilétich e che 'nvéce i éra i sò du sotazèner (Sutera e Chaenostoma) che i éra monofilétich, isé per sistemà la quistiù gh'è stat riativàt el zèner Chaenostoma Benth., e 'na spéce alùra part del zèner Sutera l'è stada asegnàda al zèner Jamesbrittenia Kuntze.[1]
Segont el sit www.theplantlist.org cürat del Missouri Botanical Garden e dei Royal Botanical Gardens, le spéci acetàde (al màgio 2014) per el zèner Sutera i è 43[2]:
Del zèner Sutera 'nfìna a mìa tat tép fà se cunsideràa che la fàes part apò a 'na piànta de fiùr bastànsa cunusìda e dopràda come ornamentàl endei giardì, cunusìda col nòm popolàr de Bacopa (negót a che éder però col zèner Bacopa che l'è 'na piànta semi-acquàtica) e col nòm scentìfich de Sutera cordata. I stüde piö recèncc però i g'ha stabilìt che chèsta la fà part del zèner Chaenostoma e che 'l sò nòm specìfich l'è de cunsiderà C. cordatum (Thunb.) Benth (i nòm Sutera cordata (Thunb.) Kuntze e Manulea cordata Thunb. i rèsta bù come sinònim[3]).
Sutera Roth l'è 'n zèner de piànte de fiùr che fà part de la famìa de le Scrophulariaceae, perlopiö uriginàrie del Sudafrica e de la Namibia.
