Toron (Polygonum coriarium Grig.) — torondoshlar oilasiga mansub koʻp yillik oʻt. Ildizi yoʻgʻon, baquvvat, poyasi sershox. Guli oq, yirik toʻpgulda joylashgan. Oshlovchi moddalar olinadigan eng yaxshi oʻsimlik. Ildizida koʻn sanoatida ishlatiladigan tannin bor. T. togʻlar (Jungʻoriya Olatovi, Tyanshan, Pomir-Olay)da dengiz yuzasidan 1400–2800 m balandlikda usadi. Ekilmaydi.
