Die tweekol-varkvis (Bodianus bimaculatus) is 'n vis wat in die westelike Stille Oseaan en die Indiese Oseaan voorkom. In laasgenoemde kom dit onder andere voor aan die kus van Oos-Afrika suidwaarts tot by die suide van KwaZulu-Natal. In Engels staan die vis bekend as die Twospot hogfish.
Die vis word tot 10 cm lank en is een van die kleinste in die genus Bodianus. Die vis het 'n slanke lyf. By beide geslagte is die boonste gedeelte van die lyf helder geeloranje en die onderkant is ligter. Daar strek 'n breë, rooi horisontale streep deur die middel van die vis vanaf die stert tot by die oog. Daar is 'n duidelike, helder swartkol op die boonste gedeelte van die kieuedeksel. Soms is daar 'n rooi vlek op die stertvinbasis sigbaar. Ouer visse het 'n tweede rooi streep oor die rug.
Die vis leef in aflandige koraal- en rotsriwwe in water wat 25 tot 60m diep is. Hulle verkies die rommel en sanderige gebiede by die basis van die riwwe. Die vis is alleenlopend maar kan ook in klein groepies voorkom. Hulle vreet klein, bodem ongewerweldes.
Die tweekol-varkvis (Bodianus bimaculatus) is 'n vis wat in die westelike Stille Oseaan en die Indiese Oseaan voorkom. In laasgenoemde kom dit onder andere voor aan die kus van Oos-Afrika suidwaarts tot by die suide van KwaZulu-Natal. In Engels staan die vis bekend as die Twospot hogfish.
