Hyla arborea ye una especie d'anuro arbolicola y a especie més común d'a suya familia en Europa.
Vive en terrenos con augua permanent como basas, lacunas u partz lentas d'os ríos, on en as marguins abunda a vechetación. Hyla arborea ocupa preferiblement puestos on bi haiga árbols, maticals y atras vechetacions densas que li permitan de camuflar-se y estar a man de l'augua.
Present en as zonas mediterranias europeas. Amplament distribuita por Europa, dende Ucraína y Belarrusia, dica os Balcans, Creta, Italia, Benelux, Alemanya, asinas como gran part de Francia y Peninsula Iberica. En Aragon se troba en as sierras de Moncayo, de Cucalón, d'Albarrazín, o Galacho de Chuslibol y Sierra d'Alcubierre.
