Wšědna mjechčeńca (Stellaria aquatica, syn.: Myosoton aquaticum) je rostlina ze swójby nalikowych rostlinow (Caryophyllaceae).
Wopisanje
Wšědna mjechčeńca je trajne zelo, kotrež docpěwa wysokosć wot 15 hač do 120 cm.
Štyrihranity stołpik je nižoležacy abo stupacy.
Łopjena
Přećiwostejne łopjena su wutrobojto-jejkojte, wótre a docpěwaja dołhosć wot 3 hač do 8 cm. Delnje łopjena su jenož krótko stołpikate.
Kćenja
Kćěje wot junija hač do septembra. Běłe kćenja maja pjeć pěstkow a docpěwaja wulkosć wot 12 hač do 15 mm. Krónowe łopješka su nimale hač do spódka dwustołpowe a z 7-10 mm něhdźe tak dołhe kaž keluškowe łopješka.
Płody
Płodowa kapsla so z pjeć zapadakami puknje.
Stejnišćo
Rosće w njerodźowych wobrostach na brjohach, w hrjebjach, łučinach, wjerbowych kerčinach a włóžnych lěsnych pućach. Preferuje mokre, jara wutkate pódy.
Rozšěrjenje
Rostlina je w nimale cyłej Europje rozšěrjena.
Wužiwanje
Wobrazy
Kwětnistwo z kćenjowymi pupkami a wotewrjenymi kćenjemi.
Rozhałuzowanje a łopjena.
Nóžki
-
↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 158.
-
↑ W internetowym słowniku: Miere
Žórła
- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 50, z wědomostnym mjenom Myosoton aquaticum a ze synonymom Malachium aquaticum (němsce)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 140 (němsce)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
Eksterne wotkazy