Turturikyyhkyt

Saheldue, Streptopelia roseogrisea
J. G. Keulemans, 1869, Public domain

Streptopelia er ei biologisk slekt av fuglar i duefamilien.

Tyrkardue, Streptopelia decaocto. Ho har utvida den opphavlege utbreiinga frå varmare tempererte område i søraustlege Europa til Japan, og har kolonisert resten av Europa. Ho nådde så langt vest som Storbritannia i 1960, og Irland snart etter. Ho er ein introdusert art i USA, og innan 1999 var ho rapportert i 22 USA-statar og spreier seg framleis raskt

Foto: Wikimedia-brukar AnemoneProjectors

Perlekragedue, Streptopelia chinensis er ein rikt utbreidd hekkefugl i tropiske, sørlege Asia, og er dessutan introdusert til USA, Hawaii, nordlege Indonesia, Australia og New Zealand

Foto: JJHarrison

Turteldue, Streptopelia turtur. Nett som mongolturtelduer har turtelduene vanlegvis skjelforma mønster på hals og venger

Foto: Wikimedia-brukar Yuvalr

Desse er i hovudsak slanke, små til mellomstore duer. Oversida er ofte bleik brun, og undersida er ofte med ein nyanse av rosa. Mange har ein karakteristisk svart-kvit flekk på halsen, og ensformige kurrande læte.

Kjerneområdet for denne slekta er Afrika, men fleire artar finst i tropiske, sørlege Asia. Som gruppe er denne slekta svært vellukka; mange artar har store populasjonar i ei rekkje habitat i tropane, to artar har no ein mykje meir omfattande distribusjon.

Artslista

Streptopelia i rekkjefølgje etter EBird/Clements Checklist v2018^[1] med norske namn etter Norske navn på verdens fugler:^[2]

• Turteldue, Streptopelia turtur, European Turtle-Dove, Linné, 1758, (VU)
• Rustvengdue, Streptopelia lugens, Dusky Turtle-Dove, Rüppell, 1837, (LC)
• Rosenbukdue, Streptopelia hypopyrrha, Adamawa Turtle-Dove, Reichenow, 1910, (LC)
• Mongolturteldue, Streptopelia orientalis, Oriental Turtle-Dove, Latham, 1790, (LC)
• Jomfrudue, Streptopelia bitorquata, Island Collared-Dove, Temminck, 1809, (LC)
• Filippinardue, Streptopelia dusumieri, Philippine Collared-Dove, Temminck, 1823, (VU)
• Tyrkardue, Streptopelia decaocto, Eurasian Collared-Dove, Frivaldszky, 1838, (LC)
• Saheldue, Streptopelia roseogrisea, African Collared-Dove, Sundevall, 1857, (LC)
• Elvedue, Streptopelia reichenowi, White-winged Collared-Dove, Erlanger, 1901, (NT)
• Klagedue, Streptopelia decipiens, Mourning Collared-Dove, Hartlaub & Finsch, 1870, (LC)
• Raudaugedue, Streptopelia semitorquata, Red-eyed Dove, Rüppell, 1837, (LC)
• Savannedue, Streptopelia capicola, Ring-necked Dove, Sundevall, 1857, (LC)
• Vindue, Streptopelia vinacea, Vinaceous Dove, Gmelin, 1789, (LC)
• Gråhovuddue, Streptopelia tranquebarica, Red Collared-Dove, Hermann, 1804, (LC)
• Umbradue, Streptopelia picturata, Madagascar Turtle-Dove, Temminck, 1813, (LC)
• Perlekragedue, Streptopelia chinensis, Spotted Dove, Scopoli, 1786, (LC)
• Palmedue, Streptopelia senegalensis, Laughing Dove, L, 1766, (LC)

Kjelder

Referansar

Bakgrunnsstoff

Wikimedia Commons har multimedia som gjeld: Streptopelia