nimet breadcrumb-navigoinnissa
A Lingua di diavulu (o Lingua di diavuli) (Serapias cordigera) hè un fiore chì face parte di a famiglia di l'Orchidaceae. U nome scentificu deriveghja da a latinu cor = core è gerere = purtà, incù un rifirimentu à a morfulugia coriforme di l'epichilu di u labellu di u fiore.
A lingua di diavulu hè una pianta erbacea bulbosa, incù fustu altu 20-50 cm, verde in fondu è russicciu in testa. L'apparatu radicale hè custituitu da 2, in rari casi 3, rizotuberi. E foglie, lineare o lungarine, sò di culore verde incù striature viulacee. E brattee sò argintine incù vinature purpurine. I fiori, da 5 à 10, rossu-brunastri, sò raggruppati in un'infiuriscenza densa. I sipali è i petali sò uniti è formanu un elmu chì fascia guasi cumplittamente a basa di u labellu; quellu hè bipartitu in un ipochilu guasi cumplittmente cupartu da l'elmu tipalicu, dutatu di duie callusità basale lucide, purpureu-nirastre, divergente, è un epichilu largu (19-32 mm x 12-23 mm), à forma di core, rivoltu versu u bassu, incù una parte cintrale assai pilosa.
A lingua di diavulu hà un areale atlanticu-mediterraniu, chì si stende da a penisula iberica è da u nordu Africa sinu à a Turchia. Hè abbastanza prisente in Corsica. In Italia si trova soprattuttu in l'arie custiere tirreniche è annantu à l'isule. Hè rara annantu à u virsante adriaticu, eccittuatu in Puglia induve ellu hè abbastanza cumunu[1]. Hè incerta a prisenza in Sicilia [2]. In Francia cuntinentale, si trova in Pruvenza.
A lingua di diavulu si trova in i prati umiti, in l'ulivete, in e castagnete è in e quercete, sinu à 1100 m d'altitudine.
Com'è a maiò parte di e spezie di Serapias si riproduce per impullinazione entumofila grazia à l'opera di l'insetti pronubi chì si cullocanu à l'internu di l'elmu tipalicu.
A spezia appartene à u gruppu Serapias vomeracea (sezzione Bilamellaria).
U numeru cromusomicu di a lingua di diavulu hè 2n=36.
Serapias cordigera pò dà vita à ibridi incù altre spezie di Serapias trà e quale [3]:
Hè statu inoltre discrittu un ibridu intergenericu incù u generu Anacamptis:
A lingua di diavulu si sceglie da Serapias neglecta per via di a culurazione più scura ch'è u labellu è per l'ipochilu guasi cumplittamente cupartu da l'elmu tipalicu.
Com'è tutte l'urchidee, a lingua di diavulu hè prutetta da a cunvinzione internaziunale di Washington (CITES) chì interdisce u cummerciu di e spezie di fauna è di flora minacciate di sparizione.
A lingua di diavulu hè cumuna in Corsica.
A Lingua di diavulu (o Lingua di diavuli) (Serapias cordigera) hè un fiore chì face parte di a famiglia di l'Orchidaceae. U nome scentificu deriveghja da a latinu cor = core è gerere = purtà, incù un rifirimentu à a morfulugia coriforme di l'epichilu di u labellu di u fiore.
